Azərbaycan gimnastları Polşanın Krakov şəhərində keçirilən batut gimnastikası və tamblinq üzrə 10-cu Vavel beynəlxalq turnirində yeddi medal qazanıblar.
Azərbaycan Gimnastika Federasiyasının yaydığı məlumata görə, milli komanda yarışı dörd qızıl, iki gümüş və bir bürünc mükafatla başa vurub.
Yığmanın heyətində Ammar Baxşaliyev (13-14 yaş, batut gimnastikası), Nicat Mirzəyev (15-16 yaş, batut gimnastikası), Aleksey Karataşov (15-16 yaş, tamblinq), Bilal Qurbanov (böyüklər, tamblinq) birinci, Fərhad Mustafayev (11-12 yaş, batut gimnastikası), Tofiq Əliyev (böyüklər, tamblinq) ikinci, Adil Hacızadə (böyüklər, tamblinq) isə üçüncü yeri tutub.
Xeberal.az
