Bu gün Özbəkistanda şahmatın rapid növü üzrə beynəlxalq turnirə start veriləcək.
Azərbaycan Şahmat Federasiyasının yaydığı məlumata görə, yarışda Nodirbek Abdusattarov, Aleksandr Qrişşuk, Rüstəm Kasımjanov kimi tanınmış şahmatçılar iştirak edəcəklər. Turnirdə ölkəmizi Şəhriyar Məmmədyarov təmsil edəcək.
Özbəkistandakı yarışın baş hakimi Azərbaycan Şahmat Federasiyasının Birinci vitse-prezidenti Faiq Həsənov olacaq.
Qeyd edək ki, üç gün davam edəcək turnirin mükafat fondu 70 min ABŞ dollarıdır.
Xeberal.az
