AFFA İntizam Komitəsinin iclası keçirilib.
Peşəkar Futbol Liqasının yaydığı məlumata görə, aparılan müzakirələrdən sonra I Divizionun XX turunda baş verənlər barədə aşağıdakı qərarlar qəbul edilib:
“Zirə-2” – “Qəbələ-2” oyununda meydan sahibi olan komandanın 4 oyunçusu sarı vərəqə ilə cəzalandığına görə klub 80 manat cərimə edilib.
“Zaqatala” – “Neftçi-2” oyunundan əvvəl Peşəkar Futbol Liqasının himni səsləndirilmədiyinə görə meydan sahibi 80 manat cərimələnib.
“Zaqatala” – “Neftçi-2” oyununda meydan sahiblərinin 11 nömrəli futbolçusu Valeh Qəhrəmanlı görüşün 60-cı dəqiqəsində təcavüzkar davranışa görə birbaşa qırmızı vərəqə alaraq meydançadan kənarlaşdırıldığına görə 4 oyun cəzalandırılıb, klub 320 manat cərimə edilib.
“Kəpəz-2” – MOİK oyununda qonaqların 15 nömrəli futbolçusu Rüstəm Rüstəmov görüşün 86-cı dəqiqəsində ciddi qayda pozuntusuna görə birbaşa qırmızı vərəqə alaraq meydançadan kənarlaşdırıldığına görə 2 oyun cəzalandırılıb, klub 160 manat cərimə olunub.
“Qarabağ-2” – “Səbail-2” oyununda qonaq komandanın 4 oyunçusu sarı vərəqə ilə cəzalandığına görə klub 80 manat cərimələnib.
“İmişli” – “Qaradağ Lökbatan” oyununda meydan sahiblərinin 5 oyunçusu sarı vərəqə ilə cəzalandığına görə klub 80 manat cərimə edilib.
“İmişli” – “Qaradağ Lökbatan” oyununda qonaq komandanın 4 oyunçusu sarı vərəqə ilə cəzalandığına görə klub 80 manat cərimə olunub.
“İmişli” – “Qaradağ Lökbatan” oyunundan sonra “Qaradağ Lökbatan” klubunun məşqçisi Rafael Əmirbəyov meydançaya daxil olaraq baş hakimə kəskin şəkildə etiraz etdiyindən birbaşa qırmızı vərəqə ilə cəzalandığına görə 1 oyun kənarlaşdırılıb, klub 80 manat cərimələnib.
Xeberal.az
