Xorvatiyanın “Riyeka” klubu Zaqreb “Dinamo”suna biabırçı məğlubiyyətdən sonra baş məşqçi Serse Kosmini işindən uzaqlaşdırıb.
Oxu.Az-ın məlumatına görə, bu barədə klubun rəsmi saytında xəbər verilib.
“Serse Kosmi artıq “Riyeka”nın məşqçisi deyil. Futbol klubu Kosmiyə karyerasında uğurlar arzulayır”, – deyə məlumatda bildirilir.
Qeyd edək ki, oyun noyabrın 14-də keçirilib. 2:7 hesabı ilə qələbə qazanan “Dinamo”nun heyətində Azərbaycan millisinin hücumçusu Mahir Emreli dublla fərqlənib: 71-ci dəqiqədə meydana çıxan 26 yaşlı hücumçu bir dəqiqə sonra hesabı 1:6 edib. O, 85-ci dəqiqədə özünün ikinci, komandasının 7-ci qolunu vurub.
64 yaşlı Kosmi “Riyeka”ya 10 liqa matçında və iki kubok matçında baş məşqçilik edib.
Xeberal.az
