Kişi voleybolçulardan ibarət “Murov” klubu Çağırış Kubokunda növbəti oyununu keçirəcək.
“Report”un məlumatına görə, Fərid Cəlalovun baş məşqçi olduğu komanda 1/16 finalda Avstriyanın “UVC Qrats” kollektivi ilə qarşılaşacaq.
Hər iki oyunu Bakı Voleybol Mərkəzində keçiriləcək mərhələnin ilk matçında nominal ev sahibləri kimi avstriyalılar çıxış edəcəklər.
Qarşılaşma saat 19:00-da start götürəcək.
Qeyd edək ki, 1/32 final mərhələsində Xorvatiyanın “Kitro Varazdin” komandası ilə qarşılaşmış “Murov” hər iki matçda qalib gəlib – 3:0 (25:19, 25:18, 25:20) və 3:1 (23:25; 25:18; 25:20; 25:17).
Xeberal.az
