Dünya

Xirosima və Naqasaki merləri Rusiyanın təhdidləri fonunda dünyanı nüvə silahından məhrum etməyə çağırıblar

Sharing is caring!

Yaponiyanın Xirosima və Naqasaki şəhərlərinin merləri Rusiyanın Ukraynaya qarşı müharibədə istifadə etmək təhdidləri fonunda dünyanı nüvə silahından məhrum etməyə çağırıblar.

Bu barədə “Japan Today” məlumat yayıb.

Bəyanatlar BMT-nin ən yeni silahları qadağan edən müqaviləsi üzrə tərəflərin ilk iclası çərçivəsində verilib.

Üç gün davam edəcək görüşün məqsədi silahların son nəticədə ləğv edilməsinə təkan verməkdir.

Belə ki, Xirosima meri Kadzumi Masui faciənin bir daha təkrarlanmaması üçün bütün sivil dünyanı nüvə silahından əl çəkməyə çağırıb. O, həmçinin bəyan edib ki, nüvə silahı Ukraynadakı müharibənin sülh yolu ilə həlli deyil.

Qrupun vitse-prezidenti olan Naqasaki meri Tomihisa Taue öz növbəsində Rusiyanın nüvə təhlükəsi qarşısında indi həmişəkindən daha çox müqavilənin mövcudluğunun olduqca vacib olduğunu hiss etdiyini və bunun hərbi böhranların nəticələrinin aradan qaldırılması deyil, məhz böhranların qarşısının alınmasında yeganə beynəlxalq sənəd olduğunu qeyd edib.

İştirakçı ölkələr bu görüşdə nüvə tərksilahına dair qəti, vahid mövqe tutmağa və avqustda Nyu-Yorkda keçiriləcək Nüvə Silahlarının Yayılmamasına dair Müqavilənin fəaliyyətini nəzərdən keçirmək üçün konfransda iştirak etməyə ümid edirlər.

Mənbə: UNİAN

Xeberal.az

Bir cavab yazın

Sizin e-poçt ünvanınız dərc edilməyəcəkdir.