İran hakimiyyəti Suriyadakı obyektlərdən şəxsi heyətini, o cümlədən İslam İnqilabı Keşikçiləri Korpusunun (SEPAH) yüksək rütbəli zabitlərini təxliyə etməyə başlayıb.
Bu barədə “The Wall Street Journal” (WSJ) Suriya və İran rəsmilərinin bəyanatlarına istinadən məlumat verib.
Bildirilib ki, SEPAH və İranın dəstəklədiyi Livanın “Hizbullah” qruplaşması Suriyadakı yüksək rütbəli zabitlərinin sayını azaldıb.
Eyni zamanda, İsrailin cavab hücumu olacağı təqdirdə İran öz hava qüvvələrini hazırlayır. Bundan əlavə, təhlükəsizlik məqsədi ilə donanma Qırmızı dənizdə İranın kommersiya gəmilərini müşayiət etməyə başlayıb.
Mənbə: vedemosti.ru
Xeberal.az
