Dünya

İsrailə hücumdan sonra HƏMAS liderinin Qəzza tunelindən qaçdığı görüntülər yayıldı – VİDEO

Sharing is caring!


İsrail Müdafiə Qüvvələri (IDF) Fələstinin radikal HƏMAS hərəkatının lideri Yəhya Sinvarın 7 oktyabr 2023-cü ildə İsrailə hücumdan sonra Qəzza zolağının cənubunda Xan-Yunisdəki tuneldən qaçdığı əks olunan videogörüntüləri nümayiş etdirib.

Video İsrail Müdafiə Qüvvələrinin “X” hesabında yayımlanıb.

“Sinvar qaçır və yeraltı terror tunelləri şəbəkəsində gizlənir. Qəzzanın dinc sakinləri isə bu zaman yer üzərində HƏMAS hakimiyyətindən əziyyət çəkirlər. Kifayət qədər dərinlikdə tunel yoxdur ki, o gizlənə bilsin”, – deyə IDF paylaşımda qeyd edib.

İsrail Müdafiə Qüvvələrinin nümayəndələri jurnalistlər üçün təşkil etdikləri brifinqdə bildiriblər ki, Sinvar, onun həyat yoldaşı və uşaqları, həmçinin HƏMAS liderinin qardaşı olduğu güman edilən şəxsin əks olunduğu video oktyabrın 10-da lentə alınıb.

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir