Fransanın Müstəqil Polis Zabitləri İttifaqının nümayəndəsi Jan-Pyer Kolombes deyir ki, Avropa fransız fermerlərin tələblərinə cavab verməsə, Fransada fermerlərlə təhlükəsizlik qüvvələri arasında şiddətli toqquşmalar başlaya bilər.
“Burada ağlımıza gələn Ukraynadır ki, biz aşağı qiymətə və çox acınacaqlı vəziyyətdə istehsal olunan böyük həcmdə Ukrayna toyuq ətini idxal etdiyimiz üçün yenidən gündəmə gəlib”, – deyə Kolombes bildirib.
Onun xatırlatdığı kimi, avropalılar ətraf mühitin mühafizəsi sahəsində özlərinə sərt qaydalar tətbiq ediblər.
“Amma bununla yanaşı, biz heç bir qaydaya riayət olunmadan istehsal olunan məhsulları idxal edirik”, – deyə o, sözlərinə davam edib.
Bir qrup fermer daha əvvəl Parisdən 10 km şimalda yerləşən A15 magistral yolunu bağlayıb. Fransanın ən böyük supermarket şəbəkələrindən biri olan “Lidl” fermerlərin etirazları səbəbindən mağazaların məhsul təminatı ilə bağlı problemlərlə üzləşib.
Mənbə: RT
Xeberal.az
