Şimali Koreyanın Yapon dənizinə doğru ballistik raket atdığı təxmin edilir.
Bu barədə Yaponiya Sahil Mühafizəsi məlumat yayıb.
Agentlik qeyd olunan ərazidəki gəmilərə xəbərdarlıq edib ki, ayıq-sayıq olsunlar və raket qalıqları aşkar edilərsə, onlara yaxınlaşmasınlar.
Tokio və Seul bu həftə Şimali Koreyanın ayın sonuna qədər ballistik raket buraxa biləcəyini açıqlayıb.
Qeyd edilir ki, Pxenyan 2023-cü ildə 20-yə yaxın raket buraxılışı həyata keçirib, o cümlədən qitələrarası ballistik raketlərin bir neçəsini sınaqdan keçirilib.
Xatırladaq ki, noyabrın 21-də Şimali Koreya da həmçinin “Malligen-1” adlı ilk kəşfiyyat peykini orbitə çıxarıb.
Mənbə: TASS
Xeberal.az
