Zimbabvenin qərbində ən azı 100 fil susuzluqdan ölüb.
Bu barədə Beynəlxalq Heyvanların Rifahı Fondu (IFAW) qeyri-hökumət təşkilatı məlumat yayıb.
Fondun məlumatına görə, fillər Hvanqe Milli Parkında quraqlıq səbəbindən ölüblər. Landşaftın Qorunması Proqramının direktoru Filip Kuvavoqanın dediyinə görə, 2023-cü ilin yağışlı mövsümü iqlim dəyişikliyi və El-Ninyo siklonu səbəbindən adi qrafiklə müqayisədə beş həftə gecikir.
Fondun nümayəndəsi Zimbabvedə quraqlıq səbəbindən fillərin ölümünün təkrarlanan hadisəyə çevrildiyini qeyd edərək 2019-cu ildə Afrikanın cənubundakı ölkədə 200 filin öldüyünü xatırladıb.
Qeyd olunub ki, davam edən quraqlıq səbəbindən su anbarlarında su tez quruyur və heyvanlar içməli mənbələr axtarışında uzun məsafələri piyada getməyə məcbur olurlar. Buna görə də, Zimbabve hakimiyyəti 100 quyu qazmağa qərar verib.
Verilən məlumata görə, Zimbabvedə fillərin sayı 80 mindən çoxdur, baxmayaraq ki, ölkənin yalnız 45 min fil üçün adekvat yaşayış şəraiti təmin etmək gücü var.
Mənbə: TASS
Xeberal.az
