ABŞ Prezidenti Co Baydenin administrasiyası “Rusiya mənbələrindən asılı olmamaq” üçün uranın zənginləşdirilməsi potensialının artırılması üçün konqresdən 2,2 milyard dollar istəyib.
Bu barədə Ağ Evin yaydığı sənəddə deyilir.
Orada, 2024-cü maliyyə ili üçün (ölkədə oktyabrın 1-də başlayan) icra hakimiyyəti “energetika sektorunda ABŞ təhlükəsizliyini və müstəqilliyini” təmin etmək üçün ABŞ qanunvericilərindən altı milyard dollar tələb edir. Bu vəsaitin 2,2 milyard dolları kiçik modul nüvə reaktorlarının istismarını dəstəkləmək məqsədilə az zənginləşdirilmiş uranın (HALEU, 20%-ə qədər zənginləşdirilmiş uran) “uzunmüddətli daxili zənginləşdirmə imkanlarının genişləndirilməsi” üçün Energetika Nazirliyinə yönəldiləcək.
“Bu, milli təhlükəsizlik prioritetidir, çünki Rusiya uran mənbələrindən asılılıq ABŞ iqtisadiyyatı və Rusiyanın Ukraynadakı müharibəsi ilə daha da gərginləşən mülki nüvə sənayesi üçün risk yaradır. Tədbir görülməsə, Rusiya ABŞ-nin müttəfiqlər və tərəfdaşlarının zərərinə qlobal uran bazarına nəzarəti davam etdirəcək. Bu təşəbbüsün xeyrinə, həmçinin Rusiya Federasiyasından zənginləşdirilmiş uran məhsullarının ABŞ-yə idxalına uzunmüddətli qadağa tətbiq etmək lazımdır”, – deyə Ağ Ev bildirib.
Mənbə: TASS
Xeberal.az
