AVRO-2024-ün seçmə mərhələsində keçiriləcək Azərbaycan – Avstriya oyunun hakimləri açıqlanıb.
UEFA-nın rəsmi saytının yaydığı məlumata görə, Tofiq Bəhramov adına Respublika Stadionunda baş tutacaq qarşılaşmada Yunanıstandan olan ədalət təmsilçiləri iş başında olacaqlar.
Matçı Aristotelis Diamantopulos idarə edəcək. Yan xətlərdə ona Konstantinos Psarris və Andreas Meintanas kömək göstərəcəklər. Dördüncü hakim funksiyasını Anastasios Papapetru yerinə yetirəcək.
Qeyd edək ki, oktyabrın 16-da keçiriləcək Azərbaycan – Avstriya oyunu saat 20:00-da başlayacaq.
Xeberal.az
