“Analitiklər güman edirdilər ki, liderləri Yevgeni Priqojinin ölümündən sonra “Vaqner”çilər Suriyanı tərk edəcəklər. Həmçinin özlərinin oradakı aktivlərini də İrana təhvil verəcəklər.
İndi İslam İnqilabı Keşikçiləri Korpusunun (SEPAH) şəxsi heyətinin Suxnada (mərkəzi Suriya) əvvəllər “Vaqner” muzdlularının yerləşdiyi mövqeləri tutduğu qeydə alınıb”.
Bu barədə ABŞ Müharibənin Tədqiqi İnstitutunun (ISW) analitiklərinin yeni hesabatında bildirilib.
“Rusiya Müdafiə Nazirliyi “Vaqner” özəl hərbi şirkətinə ya Suriyanı tərk etmələri, ya da sentyabrın 20-dək Rusiya silahlı qüvvələrinə qoşulmaları barədə göstəriş vermişdi. İran adətən Suriya ərazisində silahlı qüvvələrin və sursatların daşınması üçün Suxna yolundan istifadə edir ki, bu da mövqelərin tutulmasını daha da asanlaşdıra bilər. ISW əvvəllər İranın iqtisadi fayda əldə etmək üçün Suriyanın mərkəzi səhrasında “Vaqner” qüvvələrinin tutduğu digər mövqelərə nəzarəti ələ keçirə biləcəyi ilə bağlı proqnoz vermişdi. Bu mövqelərin bəzilərində “Vaqner”in mühafizə etdiyi qaz və neft yataqları var”, – deyə hesabatda qeyd edilib.
Eyni zamanda analitiklər vurğulayıblar ki, Suriyada hələ də əvvəllər “Vaqner”in nəzarət etdiyi qaz və neft yataqları olan bəzi mövqelər qalmaqda davam edir.
Xeberal.az
