“Bakıya səfərimiz çox yaxşı keçdi. Demək olar ki, yorğunluq hiss etmirik”.
Oxu.Az xəbər verir ki, bu sözləri Norveçin “Molde” klubunun futbolçusu Emil Breyvik “Qarabağ”a qarşı keçirəcəkləri UEFA Avropa Liqasının qrup mərhələsinin ilk oyunu öncəsi təşkil edilən mətbuat konfransında deyib.
O, Azərbaycan çempionuna diqqətini çəkən futbolçuların adlarını açıqlayıb:
“2020-ci ildəki qarşşlaşmadan xatırladığım oyunçular var. Kevin Medina çox yaxşıdır. “Qarabağ”ı təhlil etmişik. Marko Yanukoviç yaxşı keyfiyyətlərə malikdir”.
Qeyd edək ki, sentyabrın 21-də Tofiq Bəhramov adına Respublika stadionunda keçiriləcək “Qarabağ” – “Molde” oyunu saat 20:45-də başlayacaq.
Faiq Tahirov
Xeberal.az
