“Atletiko” klubunun futbolçusu Joao Feliks icarə əsasında “Barselona”ya keçib.
Bu barədə Kataloniya klubunun mətbuat xidmətindən məlumat verilib.
Hazırda “Barselona” nümayəndələri müqaviləni tam şəkildə rəsmiləşdirmək üçün bütün lazımi sənədləri gözləyirlər.
Portuqaliyalı bu mövsüm “Atletiko Madrid”in heyətində heç bir oyun keçirməyib. Futbolçu “Barselona”ya keçmək arzusunu bildirdiyi üçün heyətdən xaric edilib. Futbolçu ötən mövsümə Madriddə başlasa da, 2023-cü ilin yanvarında “Çelsi”yə keçib. Mavilərin tərkibində Feliks 20 oyun keçirib və dörd qol vurub.
Xatırladaq ki, portuqaliyalı 2019-cu ildə 126 milyon avroya “Atletiko”ya keçid edib. Madriddə üç il yarım ərzində La Liqada 96 oyun keçirib, 25 qol vurub və 13 məhsuldar ötürmə edib. İspaniya kubokunun beş oyununda Feliks iki qol vurub və bir məhsuldar ötürmə edib. Portuqaliyalı “Atletiko Madrid”in heyətində Çempionlar Liqasında 27 oyunda 7 qol vurub.
Mənbə: Dailysports.net
Xeberal.az
