Rumıniyanın Dımbovisa regionun Krevedia kəndində yanacaqdoldurma məntəqəsində baş vermiş iki güclü partlayış nəticəsində azı bir nəfər ölüb, 46 nəfər insan yaralanıb.
Bu barədə Rumıniya radiosu məlumat yayıb.
Səhiyyə naziri Aleksandru Rafilin sözlərinə görə, yeddi nəfər müxtəlif dərəcəli yanıq xəsarətləri alıb.
Daxili İşlər Nazirliyinin fövqəladə hallar departamentinin rəhbəri Raed Ərafat bildirib ki, təxminən iki saat sonra ikinci partlayış baş verib və nəticədə 26 yanğınsöndürən yaralanıb.
O əlavə edib ki, yeni partlayışlar təhlükəsi qalmaqdadır.
Mənbə: TASS
Xeberal.az
