Avstraliyada futbol hakimi Hodr Yaqiyə hücum olunub.
Hakim Sidney ətrafında həvəskarlar liqası matçı zamanı hücuma məruz qalıb və çənəsi sındırılıb. O, xəstəxanaya yerləşdirilib.
“Greenacre Eagles” və “Padstow Hornets” komandaları arasında keçirilən oyunun sonunda tamaşaçılardan biri hakimləri təhqir etməyə başlayıb. Bu şəxsin “Greenacre Eagles”ın diskvalifikasiya edilmiş futbolçusu olduğu ortaya çıxıb. Ona bir neçə dəfə irad bildirilib. Nəticədə futbolçu köməkçi hakimin üzünə bir neçə zərbə endirib. Referiyə eyni anda bir neçə yerdən çənə sınığı diaqnozu qoyulub, zərbələr nəticəsində o, üç dişini itirib.
Ştat futbol federasiyası hadisəni tənqid edib və araşdırma başlanılıb. “Greenacre Eagles” komandası yarışdan çıxmaq qərarına gəlib.
Mənbə: “Sydney Morning Herald”
Xeberal.az
