Estoniyada Rusiyaya dəstək verən və Ukraynanın işğal olunmuş ərazilərinə səfər edən “Koos” hərəkatının rəhbəri saxlanılıb.
Estoniya Təhlükəsizlik Polisi dövlətə qarşı əlbir olmaqda şübhəli bilinən üç nəfəri saxlayıb. Onların arasında iki Estoniya vətəndaşı və Estoniyada yaşamaq icazəsi olan bir Rusiya vətəndaşı da var. Saxlanılanlardan biri də Ayvo Petersondur.
Peterson “Estoniyanın sülh və davamlı inkişaf üçün ictimai hərəkatı” kimi tanınan “Koos” hərəkatının aparıcı üzvlərindən biridir. Bu hərəkat 2022-ci ilin martında Rusiyanın Ukraynaya tammiqyaslı işğalından sonra rəsmi şəkildə ərsəyə gəlib.
Ayvo Peterson dəfələrlə Rusiyanı dəstəkləyən bəyanatlarla çıxış edib. 2023-cü ilin martında, parlament seçkiləri ərəfəsində o, müvəqqəti işğal olunmuş Donetsk və Mariupola səfər edib.
Mənbə: “RBC-Ukrayna”
Xeberal.az
