Bazar ertəsi İsveç kralı XVI Karl Qustav üzərində planlaşdırılmış ürək əməliyyatı keçirilib.
Bu barədə kral məhkəməsinin mətbuat xidməti məlumat yayıb.
“Əməliyyat plan üzrə keçib və kral özünü yaxşı hiss edir”, – press-relizdə deyilir.
Bundan əvvəl kralın iştirakı ilə fevralın 20-dən martın 3-dək planlaşdırılan tədbirlərin yazın sonuna qədər təxirə salındığı bildirilmişdi.
Xatırladaq ki, Karl XVI Qustav 1973-cü ildə 27 yaşında taxta çıxıb. O, artıq ölkə tarixinə ən uzun müddət hakimiyyətdə olan monarx kimi daxil olub. Konstitusiyalı monarxiya olan İsveçdə kral yalnız təmsilçilik funksiyalarına malikdir.
Mənbə: TASS
Xeberal.az