Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, münaqişə tərəfləri hələ ki atəşkəsə əməl edirlər.
Məlumata görə, Ukrayna sakinləri Rusiya Prezidenti Vladimir Putinin atəşkəs qərarına inanmırlar.
“Sakinlər deyirlər ki, o, keçən il ordunu sərhədə yığanda söz verdi ki, heç vaxt Ukrayna ərazisinə keçməyəcək, ukraynalılarla döyüşməyəcəklər, bu, sadəcə, təlimdir. Amma bir səhər oyandıq ki, artıq rus əsgərləri, diversiya qrupları Ukraynanı dağıdırlar”, – deyə jurnalist əlavə edib.
Xeberal.az
