Böyük Britaniya kralı III Çarlz taxta çıxdıqdan sonra xalqa etdiyi ilk Milad müraciətində anası II Elizabetin xatirəsini ehtiramla yad edib, ölkədəki iqtisadi böhrana toxunub.
Monarx çıxışında dünyada baş verən silahlı toqquşmalardan da danışıb. Onun sözlərinə görə, bu il ölkədə inflyasiya təxminən 11% təşkil edib və bu, demək olar ki, son 40 ildə rekord göstərici olub. O, baş verənləri Ukrayna münaqişəsi fonunda Qərbin Rusiyaya qarşı tətbiq etdiyi sanksiyalar nəticəsində elektrik enerjisi və ərzaq qiymətlərinin artması ilə izah edib.
Kral ən çətin vəziyyətdə belə ehtiyacı olanlara yardım edən insanlara təşəkkür edib.
Qeyd edək ki, II Elizabet sentyabrın 8-də 96 yaşında Şotlandiyadakı Balmoral qəsrində vəfat etdikdən sonra III Çarlz Böyük Britaniyanın yeni kralı olub.
Mənbə: TASS
Xeberal.az
