Ukrayna ABŞ-dan ölkənin Silahlı Qüvvələrinə İran pilotsuz uçuş aparatlarını vurmağa kömək edəcək C-RAM sistemlərini tədarük etməyi xahiş edib.
Bu barədə Ukrayna Ali Radasının spikeri Ruslan Stefançukun ABŞ Konqresinə ünvanladığı məktubda bildirilib.
Stefançuk məktubunda C-RAM yüksək mobil hava hücumundan müdafiə sistemlərinin Ukraynaya çatdırılmasına başlanmasının zərurətini vurğulayıb. Belə ki, bu sistemlər vacib obyektlərin və xüsusilə mühüm elektrik stansiyalarının qorunmasına kömək edə bilər.
Qeyd edək ki, C-RAM-da daxili təhlükə izləmə radarı var. Sistem həmçinin böyük sürətli atəş topu ilə təchiz olunub. C-RAM dəqiqədə təxminən 4500 atış edə bilir.
Mənbə: rbc.ua
Xeberal.az
