NATO-nun çevik cavab qüvvələrinə daxil olan Gürcüstan silahlı qüvvələrinin 4-cü mexanikləşdirilmiş briqadasının yüngül piyada batalyonunun “Alfa” dəstəsi hücum əməliyyatına hazırlıq məşqlərini həyata keçirib.
Bu barədə oktyabrın 23-də Gürcüstan Müdafiə Nazirliyinin mətbuat xidməti məlumat yayıb.
“Hücum əməliyyatına hazırlaşdıqdan sonra “Alfa” dəstəsi reydlər və tibbi evakuasiya tapşırıqlarını yerinə yetirib. Onlara hərbi polis bölməsi dəstək verib”, – deyə məlumatda bildirilib.
Mətbuat xidmətinin məlumatına görə, müşahidəçilər hərbçilər və onların komandirlərinin hərəkətlərini müsbət qiymətləndiriblər. Təlimlərə ABŞ-dan gətirilən pikaplar əsasında Gürcüstanda hazırlanmış “Didqori” zirehli texnikası da cəlb olunub.
Xatırladaq ki, “Alfa” NATO tərəfindən 2016-cı ilin mayında sertifikatlaşdırılıb. Alyans ondan öz vəzifələrini yerinə yetirmək üçün istifadə edə bilər.
Mənbə: rossaprimavera.ru
Xeberal.az
