ABŞ-ın sabiq prezidenti Bill Klinton və həyat yoldaşı, keçmiş dövlət katibi Hillari Klinton yeganə qızları Çelsini Kremldə (Rusiya) unudubmuşlar.
Bu barədə ABŞ-ın keçmiş dövlət katibi jurnalist Cimmi Fellonla müsahibəsində söz açıb.
Belə ki, Fellon Klintondan ailə səfərlərində ən çılğın anlardan bəziləri haqqında danışmasını istəyib. Demokrat ailəsi ilə birlikdə Moskvaya səfərini xatırlayıb.
Onun sözlərinə görə, Bill Klinton prezidentliyi dövründə Kremlə rəsmi səfərə dəvət olunub. Hər şey bitdikdən sonra evli cütlük rəsmi qaydalara uyğun limuzinin yanında dayanaraq vidalaşıb.
Klintonun sözlərinə görə, həmin vaxt qızları onun və ərinin yadına düşməyib.
“Təsəvvür edə bilərsiniz, mən yeganə uşağımı Kremldə qoyub getmişəm!” – deyə Hillari Klinton deyib və ümid etdiyini bildirib ki, qızı Çelsi bu hadisəni unudub, çünki bu, olduqca travmatik bir təcrübə idi.
Hillari Klinton daha sonra nə baş verdiyini, qızlarının yanlarında olmadığını nə zaman anladıqlarını açıqlamayıb.
Eyni zamanda, 42 yaşlı Çelsi Klinton bildirib ki, bu hadisə onun ailə səfərləri arasında “ən çılğın” xatirədir.
Qeyd edək ki, Bill Klinton 1993-2001-ci illərdə ABŞ prezidenti olub. Bu müddət ərzində o, Rusiyaya beş səfər edib. Hillari Klinton 2009-2013-cü illərdə ABŞ dövlət katibi vəzifəsində çalışıb.
Mənbə: TASS
Xeberal.az
