Bakı şəhərinin Nəsimi rayonunda ikimərtəbəli yaşayış binasında yanğın olub.
Bu barədə Oxu.Az-a Fövqəladə Hallar Nazirliyinin (FHN) Mətbuat Xidməti bildirib.
“İkimərtəbəli yaşayış binasının 1-ci mərtəbəsində ümumi sahəsi 27 kvadratmetr olan birotaqlı mənzilin mətbəxinin yanar konstruksiyaları və ev əşyaları 12 kvadratmetr sahədə yanıb”, – deyə məlumatda diqqətə çatdırılıb.
Qeyd olunub ki, yanğın zamanı yanğınsöndürənlər tərəfindən iki nəfər bina sakini təhlükəsiz əraziyə təxliyə olunub:
“Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb”.
Xeberal.az
