Xətai Rayon İcra Hakimiyyəti Gəncə prospekti, 105 ünvanında sakinlərin istirahət yerinin dağıdılması ilə bağlı yayılan xəbərlərə münasibət bildirib.
İH-dən Oxu.Az-ın sorğusuna cavab olaraq bildirilib ki, ərazidə tikinti üzrə Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən bütün normalara uyğun sənəd var:
“Layihə üzrə həmin ərazidə bina tikiləcək və müasir tipli gözəl park salınacaq. Həmin park da ərazidə yaşayan hər bir sakinin xidmətində olacaq”.
“Sultan Y” MMC-dən isə Oxu.Az saytına bildirilib ki, tikinti aparılan ərazilərə bütün lazımi sənədlər mövcuddur:
“Ərazi şirkətə məxsusdur. Aidiyyəti qurumlar tərəfindən 2017-ci ildən orada çoxmərtəbəli binanın tikintisinə icazə verilib. Ərazidə ikibloklu bina inşa ediləcək və park salınacaq”.
İlhamə Əbülfət
Xeberal.az
