“İşğaldan azad olunmuş ərazilərimizdə 47 seçki məntəqəsində 50 minə yaxın seçicimizin səsvermə hüququnun reallaşdırılması mümkün oldu”.
Bunu Baku TV-yə açıqlamasında Mərkəzi Seçki Komissiyasının sədr müavini Rövzət Qasımov deyib.
O, 7 fevral – növbədənkənar prezident seçkisinin Azərbaycanın bütün ərazilərində öz suverenliyini bərpa etdikdən sonra keçirilən ilk seçki olduğunu xatırladıb.
Sədr müavini seçki prosesində hər hansı problemin olması ilə bağlı Mərkəzi Seçki Komissiyasına müraciətin daxil olmadığını da bildirib:
“MSK-ya ancaq sorğu xarakterli zənglər olub. Bu zənglər zamanı vətəndaşlar xüsusən məntəqələrin ünvanını soruşublar”.
Ətraflı süjetdə:
Xeberal.az
