Lənkəran Dövlət Universitetinin (LDU) əlavə binasının tikintisinə başlanılıb.
İqtisadiyyat.az-ın əldə etdiyi məlumata görə, Lənkəran şəhər, H.Aslanov, 50 ünvanında yerləşən ali məktəbin yeni inzibati binası inşa olunacaq.
Tikintisi planlaşdırılan yeni bina ikimərtəbəli olacaq.
Qeyd edək ki, LDU 1991-ci ildə Bakı Dövlət Universitetinin filialı kimi fəaliyyətə başlayıb, 1992-ci ildə isə müstəqil dövlət universitetinə çevrilib. Hazırda universitetdə 5 000-ə yaxın tələbə bakalavr, magistratura və doktorantura səviyyəsi üzrə təhsil alır, 400-ə yaxın professor-müəllim və inzibati heyət çalışır.
Xeberal.az
