Daxili İşlər Nazirliyi (DİN) Tovuzda qəbiristanlıqda silahlı insidentin baş verməsi ilə bağlı mediada yayılan xəbərlərə münasibət bildirib.
Bununla bağlı Oxu.Az-a DİN-in Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov açıqlama verib.
Onun sözlərinə görə, Tovuz rayonunda qəbiristanlıqda silahlı insident olması ilə bağlı yayılan xəbərlər həqiqəti əks etdirmir:
“İlk növbədə qeyd edim ki, yazıda adı qeyd edilən Rəhimli kəndi Tovuz rayonunda deyil, Goranboy rayonunda yerləşir. Sözügedən hadisə də 2023-cü ilin aprel ayında Goranboy rayonunda baş verib və hadisəni törətməkdə şübhəli şəxs Goranboy Rayon Polis Şöbəsinin əməkdaşları tərəfindən saxlanılaraq istintaqa təhvil verilib”.
Samir İsayev
Xeberal.az
