Zığ-Hövsan yolunun üzərində, Cəmşid Naxçıvanski adına hərbi liseyin yaxınlığında yerləşən 35 qatlı pilləkənin olduğu yerüstü keçiddə nə yeriyən pilləkən var, nə də ki lift işləyir.
Keçiddə fiziki imkanları məhdud olan şəxslərin, o cümlədən yaşlıların hərəkət etmələri üçün lazımınca şərait yaradılmayıb. Keçidin problemi bununla da bitmir. Tavandan sallanan elektrik naqilləri, yuxarıdan tökülən hissələr insanların həyatına birbaşa təhlükə mənbəyidir.
Sakinlərin sözlərinə görə, lift olsa, daha yaxşı olar. Belə ki, burada pəncərə yoxdur, hər şey qopub tökülür. Təhlükəsizlik üçün hər tərəfi örtülü olmalıdır.
Məsələ ilə bağlı Avtomobil Yolları Dövlət Agentliyindən (AYDA) bildirilib ki, sözügedən piyada keçidində tam olaraq işlər yekunlaşdırılmayıb. Hazırda piyada keçidində müəyyən tamamlanma işləri gedir, o cümlədən elektrik xətti ilə təmin olunması istiqamətində podratçı şirkət tərəfindən müvafiq addımlar atılır.
Ətraflı Baku TV-nin süjetində:
Xeberal.az
