İmişlidə iki avtomobilin toqquşması nəticəsində üç nəfər xəsarət alıb.
AZƏRTAC xəbər verir ki, hadisə saat 18 radələrində İmişli şəhəri Heydər Əliyev prospektində qeydə alınıb.
Belə ki, “Niva” və “Mercedes-Benz” markalı avtomobillər toqquşub. Hadisə zamanı xəsarət alan İmişli sakinləri – Rəhman Hüseynov, Sərvan Gülməmmədov və Maşallah Əmirov İmişli Rayon Mərkəzi Xəstəxanasına çatdırılıblar.
Faktla bağlı araşdırma aparılır.
Xeberal.az
