Xaçmazda qayda pozan sürücü qəza törədib.
Avtosfer.az-ın məlumatına görə, hadisə rayonun Nərimanov küçəsində qeydə alınıb.
Belə ki, hərəkətdə olan VAZ-21011 markalı avtomobil yoldan çıxaraq dirəyə çırpılıb. Hadisə şahidlərinin iddiasına əsasən, qəzaya səbəb yüksək sürət olub. Nəticədə idarəetmədən çıxan maşın yol kənarındakı səkiyə çıxıb və toqquşduğu işıq dirəyini yerindən qoparıb. Həmçinin avtomobilin ön hissəsi aldığı zərbədən tamamilə yararsız hala düşüb. Xoşbəxtlikdən sürücü xəsarət almayıb.
Xeberal.az
