Şirvanda mikroavtobusla minik maşınları toqquşub, xəsarət alanlar var.
“Report”un Aran bürosunun məlumatına görə, hadisə Salyan-Şirvan avtomobil yolunun şəhərin Çılpaqlı qəsəbəsi ərazisindən keçən hissəsində qeydə alınıb.
Belə ki,”Mercedes Sprinter” markalı mikroavtobus VAZ-2106 və “Renault Logan” markalı minik maşınları ilə toqquşub.
Qəza nəticəsində 1963-cü il təvəllüdlü Şahin Ərəbxan oğlu Mirzəyev, 1967-ci il təvəllüdlü Rasim Qüdrət oğlu Əliyev, 1966-cı il təvəllüdlü Rauf Kamil oğlu Hümbətov müxtəlif dərəcəli xəsarətlər alıblar.
Yaralılar Şirvan Şəhər Mərkəzi Xəstəxanasına yerləşdirilib.
Faktla bağlı araşdırma aparılır.
Xeberal.az
