Biləsuvar rayonunda yol-nəqliyyat hadisəsi baş verib.
“Report”un məlumatına görə, hadisə rayonun Günəşli kəndi ərazisində qeydə alınıb.
Belə ki, rayonun İsmətli kənd sakini, Müqəddəs Babayevin idarə etdiyi VAZ-21011 markalı minik avtomobili hərəkətdə olarkən yük avtomobili ilə toqquşub.
Qəza nəticəsində sürücü və avtomobildəki sərnişinlər – Xəyal Əliyev və Tural Abbasov müxtəlif dərəcəli bədən xəsarətləri alıblar.
Yaralılar Biləsuvar rayon Mərkəzi Xəstəxanasına çatdırılıb.
Faktla bağlı araşdırma aparılır.
Xeberal.az
