Qarabağdakı qondarma rejimin “liderlərindən” olan, hazırda Azərbaycanda istintaq təcridxanasında saxlanılan Arayik Arutyunyanın bir zamanlar Xankəndidə istifadə etdiyi iş otağından görüntülər yayılıb.
Oxu.Az xəbər verir ki, görüntülərdə otağın darmadağın olduğu, səliqəsizliyi diqqət çəkir.
Videogörüntünü çəkən şəxs şərh edir ki, Azərbaycan Ordusu əsgərlərinin qorxusundan separatçıların “administrasiya rəhbərliyi” danışdığı telefonun dəstəyini də üzərinə qoymayıb, tələm-tələsik canını götürüb qaçıb:
“2020-ci ilin 44 günlük Vətən müharibəsində Ermənistanın baş naziri Nikol Paşinyan telefondan asılı qalmışdı və dünya liderlərini davamlı zənglərlə bezdirirdi. 2023-cü ilin 19-20 sentyabr lokal antiterror tədbirləri müddətində də Xankəndidə oturan qondarma rejimin “administrasiya rəsmiləri” eyni aqibəti yaşayıblar. Görünür ki, qaça-qaç düşdüyündən telefonun dəstəyini də üzərinə qoymağı yaddan çıxarıblar”.
Xeberal.az
