Finlandiya Meteorologiya İnstitutunun ekspertləri ilə Azərbaycanın Ekologiya və Təbii Sərvətlər Nazirliyinin Milli Hidrometeorologiya Xidmətinin əməkdaşları arasında tvininq layihəsi çərçivəsində görüş keçirilib.
“Report” xəbər verir ki, görüşdə xarici ekspertlər tərəfindən SMART MET və SMART MET ALERT modelinin tətbiqinə dair təqdimatlar edilib, bu modelin Azərbaycan üçün uyğunlaşdırılması və tətbiqi xidmətin əməkdaşları ilə müzakirə olunub.
Eyni zamanda, Finlandiyada bu model vasitəsilə hava, daşqın proqnozlarının və xəbərdarlıqların hazırlanması üsulları xidmətin əməkdaşlarına təqdim edilib.
Xeberal.az
