Fövqəladə Hallar Nazirliyinin (FHN) “112” qaynar telefon xəttinə Bakı şəhərinin Xəzər rayonunda bir nəfərin xəstəxanaya aparılması zərurətinin yaranması, ağırçəkili olması səbəbindən həkim briqadasının köməyinə ehtiyac duyulduğu barədə müraciət daxil olub.
Oxu.Az xəbər verir ki, müraciətlə əlaqədar FHN-in Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunublar.
Xilasedicilər xüsusi vasitələrin köməyi ilə 1963-cü il təvəllüdlü qadını fərdi yaşayış evindən çıxararaq təcili tibbi yardım briqadasına təhvil veriblər.
Xeberal.az
