Bakıda avtomobilin vurduğu piyada 11 gün sonra xəstəxanada ölüb.
“Report” xəbər verir ki, hadisə martın 16-da Xətai rayonu ərazisində qeydə alınıb.
Belə ki, Rəşidov Yavər İsmayıl oğlu “RR FOOD” MMC-yə məxsus “Hyundai” markalı yük avtomobilini Gəncə prospektində yerləşən “Farida” şadlıq sarayının həyətində arxaya doğru sürərkən piyada Tağılı İlqar Bəhram oğlunu vurub. Xəsarət alan piyada martın 27-də 3 saylı şəhər Kliniki Xəstəxanasında ölüb.
Faktla bağlı Cinayət Məcəlləsinin müvafiq maddəsi ilə cinayət işi başlanıb.
Xeberal.az
