“Yaxın günlər ərzində ölkədə nisbətən yüksək atmosfer təzyiqi müşahidə olunacaq”.
Bunu Oxu.Az-a açıqlamasında Ekologiya və Təbii Sərvətlər Nazirliyin Milli Hidrometeorologiya Xidmətinin rəisi Umayra Tağıyeva bildirib.
Onun sözlərinə görə, Şuşa, Kəlbəcər və Laçında yaxın günlərdə hava şəraitinin yağmursuz keçməsi proqnozlaşdırılır:
“Səhər və axşam saatlarında dumanlı hava olacaq. Gecə saatlarında 2-7 dərəcə arasında şaxta olacaq. Eyni zamanda, gündüz saatlarında havanın temperaturu 3-5 dərəcə təşkil edəcək. Səhər saatlarında isə 0-3 dərəcə şaxta olacağı gözlənilir”.
O qeyd edib ki, respublikanın digər rayonlarında yağmursuz hava şəraiti olacaq:
“Dekabrın 16-da şimal və şərq rayonlarında az yağıntılı hava şəraiti gözlənilir. Bakı və Abşeron yarımadasında dekabrın 14-16-da gecə saatlarında şimal küləyi əsəcək. Havanın temperaturu ötən həftə ilə müqayisədə 2-3 dərəcə yüksələcək və öz iqlim normasına yaxınlaşacaq”.
İlhamə Əbülfət
Xeberal.az
