“Yeni yataqxanalar təxminən 2-3 min ətrafında tələbə üçün nəzərdə tutulur. Çünki bizim 24 minə yaxın tələbəmiz var və əksəriyyəti regionlardan olan gənclərdir”.
Oxu.Az xəbər verir ki, bu sözləri Bakı Dövlət Universitetinin rektoru Elçin Babayev deyib.
“Dövlət özəl tərəfdaşlığı metodu ilə yataqxanalarla bağlı işlərimiz gedir. Artıq parlamentdə də bu mövzu ətrafında müzakirələr aparılır. Qərar parlament tərəfindən də qəbul olunub təsdiq olunandan sonra mütləq dövlət özəl tərəfdaşlığının bizim qarşımızda açacağı perspektivlərdən istifadə edərək yataqxana məsələsinin çox yüksək səviyyədə həllini fikirləşirik”, – deyə rektor əlavə edib.
Sayad Həsənli
Xeberal.az