Gəncədə avtomobil yollarını su basıb, nəqliyyatın hərəkəti çətinləşib.
“Report”un məlumatına görə, hadisə şəhərin Təbriz küçəsi, Bağbanlar qəsəbəsinin bəzi küçələri və Yeni Gəncə qəsəbəsinə gedən yolda qeydə alınıb.
Nəticədə nəqliyyatın və insanların hərəkətində çətinliklər yaranıb.
Suyun fərdi yaşayış evlərinin həyətinə dolmaması üçün qabaqlayıcı tədbirlər görülür.
İlkin ehtimala görə, ərazidəki suların küçələrə axmasına səbəb yaxınlıqdan keçən arxın daşması olub.
Xeberal.az
