“Azərbaycanda dayanıqlı inkişaf gündəliyindən irəli gələn öhdəliklərin icrası istiqamətində görülən tədbirlər davam edir”.
“Report” xəbər verir ki, bunu ekologiya və təbii sərvətlər naziri Muxtar Babayev BMT-nin “DİM Dialoqları” təşəbbüsü çərçivəsində keçirilən “Azərbaycanda Yaşıl Transformasiya” konfransında çıxışı zamanı deyib.
Nazirin sözlərinə görə, 2030-cu ilədək dayanıqlı inkişaf gündəliyində qeyd olunan təmiz və sağlam ətraf mühitin təmin olunması bütün səviyyələrdə dayanıqlı inkişafa nail olmaq üçün mühüm faktordur:
“Dayanıqlı İnkişaf üzrə Milli Əlaqələndirmə Şurasının yaradılması sektorlararası koordinasiya və bütün maraqlı tərəflərin prosesə cəlb olunmasına imkan verib. Dövlət başçısı tərəfindən təsdiq olunmuş “Azərbaycan-2030 sosial-iqtisadi inkişafa dair milli prioritetlər” sənədində yeni strateji mərhələdə iqtisadiyyatın dayanıqlı və yüksək templərlə artması fonunda keyfiyyətli ekoloji mühitin təmin olunması kimi mühüm vəzifə qarşıya qoyulub”.
Xeberal.az
