Şəkidə piyadaların xəsarət alması ilə nəticələnən yol qəzası olub.
“Report”un Şimal-qərb bürosunun məlumatına görə, hadisə şəhərin Salman Mümtaz küçəsində qeydə alınıb.
Belə ki, hərəkətdə olan VAZ-2107 markalı avtomobil idarəetmədən çıxaraq yolun kənarında dayanmış VAZ-2106 və VAZ-2107 markalı avtomobillərə çırpılıb.
Həmin vaxt avtomobillərin yanında dayanan iki nəfər maşınların arasında qalıb. Ayaqları sınan piyadalar Şəki Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
Xeberal.az
