“Miqyas baxımından Gəncəyə ən qəddar raket hücumu 17 oktyabrda olub”.
“Report”un xəbərinə görə, bunu Gəncədə səfərdə olan baş prokurorun birinci müavini Elçin Məmmədov deyib.
O bildirib ki, hücum nəticəsində 15 nəfər şəhid olub, 79 nəfər isə müxtəlif dərəcəli bədən xəsarətləri alıb:
“Dağıntıların əhatə dairəsi isə 400 min kvadrat metr təşkil edib. İstintaq zamanı 3 875 yaşayış evi və ya mənzil, 33 qeyri-yaşayış obyekti, 92 nəqliyyat vasitəsinin yararsız hala salınması müəyyən edilmişdi”.
Xeberal.az
