Azərbaycan Milli Elmlər Akademiyasının (AMEA) Rəyasət Heyətinin mətbuat katibi Azadə Balayevanın vəzifəsindən azad edilməsi ilə bağlı məlumat yayılıb.
A.Balayevə Oxu.Az-a açıqlamasında birbaşa vəzifədən azad edilmədiyini, sadəcə Nazirlər Kabinetinin qərarı ilə AMEA-da struktur dəyişikliyi olduğunu və bütövlükdə mətbuat katibi postunun ləğv edildiyini diqqətə çatdırıb:
“İşdən azad olunduğumu demək doğru olmaz. Çünki AMEA-da struktur dəyişikliyi olub. Artıq sadəcə İnformasiya şöbəsi fəaliyyət göstərəcək, orada isə məndən əvvəl fəaliyyət göstərən şəxs var. Hazırda başqa bir yerə təyinat almamışam”.
Azadə Balayeva bildirib ki, yaxın günlərdə AMEA-nın institutlarından birində ictimaiyyətlə əlaqələr şöbəsində çalışmağa başlayacağı gözləniləndir.
Qeyd edək ki, Nazirlər Kabinetinin qərarı ilə AMEA-nın yeni strukturu təsdiqlənib. Bu struktura uyğun olaraq 22 elmi müəssisə fəaliyyət göstərəcək və ümumi işçilərin sayı 3 510 nəfər olacaq.
Sayad Həsənli
Xeberal.az
