Məşhur amerikalı aktrisa Kristina Eplqeyt kino karyerasını bu il bitirəcəyini açıqlayıb.
Lent.az xəbər verir ki, o, bu barədə "Los-Anceles Times" qəzetinə müsahibəsində deyib.
Aktrisa fevralın 26- da keçiriləcək "SAG" mükafatlandırma mərasiminin onun karyerasında sonuncu olacağını açıqlayıb:
"Bu, yəqin ki, aktrisa kimi son mükafatlandırma mərasimim olacaq. Bu, əla bir şeydir. İndi səhər saat 5-də durub, çəkiliş meydançasında 12-14 saat vaxt keçirməyi təsəvvür edə bilmirəm".
Qeyd edək ki, Kristina Eplqeyt dağınıq skleroz xəstəliyinə görə karyerasını bitirir.
