Səkkiz ildir komada yatan teatr sənətçisi Kenan Işık haqda yeni xəbər var.
Lent.az xəbər verir ki, Kenanın son durumu barədə onun dostu Ozan Zeybek məlumat yayıb. Ozan bildirib ki, 75 yaşlı dostunun vəziyyəti normaldır:
“Ona çox yaxşı baxırlar. Kenan Işıkı necə bilirsinizsə, elədir. Hər gün üzünü təmizləyirlər, qida qəbuluna diqqət edirlər. Yatan digər pasientlərdə normalda yaralar çıxar, zəifləmə olar. Amma Kenanda bu tip şeylər yoxdur. Ailəsi də ona yaxşı baxır. Xatirələrdə necə yadda qalıbsa, olduğu kimidir”.
Qeyd edək ki, Kenan Işık 2014-cü ildə dincəlmək üçün getdiyi saunada ayağının sürüşüb yıxılması nəticəsində beyin qanaması keçirib.
