“Azərbaycanın ABŞ-dəki səfirliyinin konsulluq qeydiyyatında olan 175 vətəndaşımız artıq səsvermədə iştirak edib”.
Bunu Azərbaycanın Vaşinqtondakı konsulu Ceyhun Novruzov “Report”a açıqlamasında deyib.
Diplomat bildirib ki, ABŞ-də fəal seçicilər arasında gənclər, xüsusilə tələbələr çoxdur:
“Vaşinqtondakı səfirlik binasında 17 saylı Yasamal 3-cü Seçki Dairəsinin nəzdində yaradılmış 43 saylı seçki məntəqəsi fəaliyyət göstərir. Seçicilərin 80%-i gənclər, 20%-i isə orta yaşlı nəslin nümayəndələridir. Hazırda səsvermə davam edir. Səsvermədə iştirak edən seçicilərin intensivliyi yerli vaxtla saat 11:14-də qeydə alınıb. Konsulluq qeydiyyatında olan həmvətənlərimizin 60%-i səsvermədə iştirak etmək üçün qeydiyyatdan keçib. Ancaq qeydiyyatdan keçməyən vətəndaşlarımız da səfirliyə yaxınlaşıb səsvermədə iştirak edə bilirlər.
Vaşinqtona ətraf şəhərlərdən gələn tələbələrimiz, iş məqsədi ilə ABŞ-də olan Azərbaycan vətəndaşları, hətta qonaq qismində orada olan həmvətənlərimiz səfirliyimizə yaxınlaşıb səsvermədə iştirak edirlər. Onlardan bir çoxu Merilend, Nyu-York, Filadelfiya, Nyu-Cersi ştatlarından gəliblər”.
Konsul qeyd edib ki, səfirlik binasında seçicilərin sərbəst səs vermələri üçün hər cür şərait yaradılıb:
“Seçicilərdə xüsusi ruh yüksəkliyi hiss olunur. Müşahidələrimizdən aydın olur ki, onlar bu tarixi səsvermədə iştirak etməkdən çox məmnundurlar. Bu saatlara qədər hər hansı qanun pozuntusu qeydə alınmayıb”.
![](https://xeberal.az/wp-content/uploads/2024/02/konsul-sc999firlikdc999-secicilc999rin-sc999rbc999st-sc999s-vermc999lc999ri-ucun-hc999r-cur-sc999rait-yaradilib-foto-2.jpg)
![](https://xeberal.az/wp-content/uploads/2024/02/konsul-sc999firlikdc999-secicilc999rin-sc999rbc999st-sc999s-vermc999lc999ri-ucun-hc999r-cur-sc999rait-yaradilib-foto-3.jpg)
![](https://xeberal.az/wp-content/uploads/2024/02/konsul-sc999firlikdc999-secicilc999rin-sc999rbc999st-sc999s-vermc999lc999ri-ucun-hc999r-cur-sc999rait-yaradilib-foto-4.jpg)
![](https://xeberal.az/wp-content/uploads/2024/02/konsul-sc999firlikdc999-secicilc999rin-sc999rbc999st-sc999s-vermc999lc999ri-ucun-hc999r-cur-sc999rait-yaradilib-foto-5.jpg)
![](https://xeberal.az/wp-content/uploads/2024/02/konsul-sc999firlikdc999-secicilc999rin-sc999rbc999st-sc999s-vermc999lc999ri-ucun-hc999r-cur-sc999rait-yaradilib-foto-6.jpg)
Xeberal.az