Parametrlərdə “Wi-Fi” şəbəkələri və “Bluetooth” cihazları üçün avtomatik axtarışın söndürülməsi smartfonun batareyasının ömrünü uzadacaq.
Bu barədə Rusiyanın Keyfiyyət Sisteminin (“Roskaçestvo”) mütəxəssisləri bildiriblər.
Onların sözlərinə görə, beləliklə telefon davamlı olaraq xarici siqnalları axtarmağı dayandıracaq, bu da ümumilikdə yükü yüngülləşdirir.
Mütəxəssislər lazımsız “push” bildirişlərindən, həmçinin animasiya ilə canlı divar kağızlarından imtina etməyə çağırıblar. Onların sözlərinə görə, ekran smartfonun ən “qarınqulu” elementidir – o nə qədər az işləsə, bir o qədər az enerji sərf olunur. Bildirilir ki, canlı divar kağızları prosessorun yükünü artırır, bu da smartfonun batareyasını daha tez boşaldır.
“Bundan əlavə, “Diaqnostika üçün məlumat göndər” funksiyasını deaktiv etməlisiniz. Bu, qadceti sürətləndirəcək və həmçinin tərtibatçıların fəaliyyət məlumatlarını öz serverlərinə göndərməsinə mane olacaq”, – deyə ekspertlər əlavə ediblər.
Mənbə: Lenta.ru
Xeberal.az
